सउदीमा मृत्यूदण्ड सुनाइएका "उमेश" लिए राहतको साँस !!

                     Source:- news burea
जनकपुरधाम, २५ चैत्त । विगत १२ वर्षदेखि सउदीको जेलमा जेलिया जीवन विताइरहेका धनुषाका उमेश यादवले राहतका साँस लिएका छन् ।
             
सउदी अरेबियामा एक पाकिस्तानी नागरिकको हत्याको अभियोग लागेका उमेशलाई सउदी अदालतले १२ वर्षदेखि कैदमा राख्दै आज ८ अप्रिलको अहम फैसला गर्ने जानकारी गरिएको थियो । 

सउदी अदालतमा पेशी भएका उमेशको मुद्दामा सुनुवाई गरेपनि अदालतले कुनै अहम फैसला भने नसुनाएको हो ।
आज भएको पेशीमै उमेशको अन्तिम फैसला हुने भनिएपनि आज चढाइएको पेशीमा मात्र अदालतले पुराना फाईलहरु झिकाउन आदेश गरेको छ । 
उमेश यादव मुद्दाका पुरानो फाईलहरु झिकाएपछि मात्र नयाँ सुनुवाईको लागि मिति तय गरिने जनाइएको छ । 

आज हुने भएिको अन्तिम फैसला अदालतले रोकेपछि उमेशले राहतका साँस लिएका छन् भने नेपालीहरुमा समेत हौसला छाएको छ । 
उमेशको लागि जीवन वा मृत्यूको फैसला आजै हुने भनिएको भएपनि अदालतले मात्र फाईल झिकाउन आदेश गरेपछि समाजिक अभियन्ता एवम् तराई मधेस राष्ट्रिय परिषद्का सदस्य सरोज रायले नेपाली दुतावासले बीचको समयमा उमेशको लागी कडा पहल थाल्नुपर्ने बताएका छन् ।


उमेश घटना खुलेको नयाँ तथ्य र जानकारी !!

अभियन्ता सरोज रायले आफ्नोे फेसबुकमा लेखेका छन् !

"अस्ति मेरो हातमा उमेश यादव वारे २ साल पहिला सुनवाई गरिएको एउटा अदालतको कागज हात पर्यो । त्यसमा लेखिएको अरबी भाषालाई पढी एकजनाले जानकारी गरायो कि "२००६ मा हत्या भएको पाकिस्तानी नागरिक मोहम्मद लतिफ वासिरको परिवारबाट हालसम्म कोइ पनि सम्पर्कमा नआएको, आममाफी वा blood money को लागि पनि कोइ नआएको ले अब यस वारे अदालतले नै फैसला गर्नेछ ।

यंहा प्रश्न उठ्छ- यस वारे सउदीमा रहेका नेपाल दुतावास वा नेपालको कुनै सरकारी निकायलाई किन जानकारी छैन? जम्मा १५-२० दिन देखि उमेश यादव वारे हामीले चासो देखाए पछि, उमेश यादवको पासपोर्ट न. लगायत उनि संग जोडिएको हरेक जानकारी जम्मा गर्न सक्छु तर सरकारी निकाय के गरेर बसेको ?

भोली 8 April उमेश यादव वारे सउदी अदालतमा सुनवाइ र फैसला हुन् सक्छ । धेरै दिन देखि पाकिस्तानी परिवार सम्पर्क विहिन रहेकोले उमेशलाई माफी दिने सम्भावना धेरै रहेको छ । आशा गरौँ कि भोली आउने फैसला उमेशको पक्षमा नै रहनेछ । यदि कुनै कारण भोली माफी हुन् सकेन भन्ने फेरी पांच वर्ष जेलकैदको समय थप्न सक्ने सम्भावना पनि छ । भोलिको फैसला पछि धेरै कुरा प्रष्ट हुन्छ ।

यो होइन कि मृतक लतिफ वसिरको परिवारको कुनै अतो-पतो छैन। पाकिस्तानको फैसलावादमा घर भएका लतिफको श्रीमतीले अर्को विहे २०११ भन्दा पहिला नै गरिसकेको र उनका आमा-बुवाको मृत्यु पनि २ साल पहिला भइसकेको जानकारी पनि हामी संग छ । अब लतिफको करिवी नातेदारमा उनका आफ्नै दाइ सकिफ वासिर आज पनि फैसलावादमा नै रहेको र उनका फोन न. (+९२३०७४८८४---) समेत पाकिस्तानमा रहेको नेपाली दुतावासबाट जानकारी प्राप्त भएको छ । यति हुँदा हुँदा सरकारी निकायबाट चासो नहुनु धेरै दुखद कुरा हो । उमेश यादवले जानकारी गराए अनुसार उनले मद्दतको लागि धेरै जना संग गुहार लगाए तर मद्दत त् दुर १२ वर्षमा उनि संग भेट्न कोइ जेलमा पनि पुगेको छैन ।

share गरिदिनुहोला pls ...